Monthly Archives: oktober 2015
Umsóknarfreistin til pedagogútbúgvingina er 29. okt. og til Merit-útbúgvingina 1. nov.
Umsóknarfreistirnar til pedagogútbúgvingarnar á Fjarlestrardeplinum eru í dag, 29. okt. (áðrenn midnátt)., og sunnudag 1. nov. (áðrenn midnátt).
Stórur áhugi fyri pedagogútbúgvingini
Stórur áhugi er fyri at lesa til pedagog umvegis fjarlestur. Tórskvøldið 22. okt. var kunnandi fundur um útbúgvingina á Fjarlestrardeplinum og nógv fólk vóru møtt upp, umframt at fleiri fólk norðanfjørðs søgdu frá, at tað tíverri ikki lá fyri hjá teimum at koma til kunnandi fundin.
Kunningarfundur 22. oktober 2015 kl. 19 í Fjarlestrardeplinum
Fjarlestrardepilin í Vági hevur fingið í lag samstarv við UCC Nord skúlan í Danmark um pedagogútbúgvingina sum fjarlestur, soleiðis at lærarar koma úr Danmark til Føroya at undirvísa einum flokki suðuri í Vági í hvussu so er, hvørja ferð eitt nýtt lestrarhálvár byrjar á 2-4 dagar. Hetta er ein stórur fyrimunur, av tí at tey lesandi annars høvdu verið noydd til at ferðast niður til Danmarkar fleiri ferðir um árið.
Pedagogútbúgvingarnar sum fjarlestur í Vági
UCC Nord bjóðar út útbúgvingina sum námsfrøðingur í samstarvi við Fjarlestrardepilin í Vági. Talan er um tvær ymiskar útbúgvingar, ið báðar kunnu takast í Vági, tann eina er tann vanliga pedagog-útbúgvingin yvir fjarlestur, og hin er merit-pedagogútbúgvingin, ið er normerað til 2,5 ár, men verður tikin yvir 3 ár gjøgnum fjarlestur í Vági.
